جلال الدین رومی — طریقت علیۀ مولویه+نك مؤسسی و سرائر شناسان عالم غیبینك پیشواسی اولوب سلسلۀ نسب عالیلری امیرالمؤمنین (ابابكرالصدیق) رضی الله عنه حضرتلرینه پیوسته+در. مشارالیه حضرتلری (١٢٠٧ م و ٦٠٤ ٥) تاریخنده (بلخ)ده دنیایه كلوب پدرلری سلطان العلماء شیخ بهاءالدین ولد) حضرتلریله معاً بغداده و اندن مكۀ مكرمه+یه و بعد اداءالحج ارزنجانه و دها صكره لارندە+یه عزیمتله اوراجقده اختیار سكون و اقامت ایتدیلرسه ده تأهللرینك یدنجی سنه+سنده سلطان علاءالدین سلچوقی طرفندن اولنان رجا و دعوته بناء پدرلریله قونیه+یه هجرت بیوردیلر. میدانده (شنوی) كبی بر اثرvجلیل بی عدیللری وار ایكن مدح و ثنالرینه احتیاج دوشمز. و اظهار خوارق العاداتده اولان قوۀ قدسیه+لری حوصلۀ بسط و تعبیره صیغشمز. بنابرین او جهتلرده سمت سكون اختیار و فقط تبركاً بعض كلمات معارف آیاتلری وضع نظركاه ارباب اعتبار ایدلدی. (بر قوش اوچدیغی آنده آسمانه ایرشمزسه ده دامدن بعید اولدیغی كبی بر آدم دخی درویش اولوبده كماله واصل اوله مزسه ده زمرۀ عوامدن ممتاز و (نجی المخففون و هلك المثقلون) مدلولنجه دنیا زحمتلرندن بری و سرفراز اولور بیوردیلر. مریدانندن بریسی كندولرندن اثنای سماعده
كیفیت (فقر) ی سؤال فكرینه دوشمكله (الجوهر فقر و سوی الفقر عرض. الفقر شفاء و سوی الفقر مرض. العالم كله خداع وغرور. والفقر من العالم سرو غرض) رباعیسنی اوقومشلردر. (ربابدن ایشیدیلان آواز ابواب جنتك صری و اهتزازیدر) سوزلرینه منكرلردن بری اعتراض قصدیله (بو آوازی بزده ایشیدیورز اما ندن مولانا كبی نشئه ساز اولمیورز) دیدكده (بزم ایشتدیكمز قپونك آچیلدیغی انك ایشتدیكی قپاندیغیدر ) بیوردیلر. آخر عمر عزیزلرنده مریدان و طلبه+سنه خطاباً ایراد بیوردقلری شو نطق حكیمانه+یی دخی تیمناً درج ایلدك (اوصیكم بتقوی الله فی السر و العلانیة و بقلةالطعام و قلقالةلمنام وقلقلةالكلام و هجران المعاصی و الانام و مواظبة الصیام و دوام القیام و ترك الشهوات علی الدوام و احتمال الجفاء من جمیع الانام و ترك مجالسة السفهاء و العوام و مصاحبة الصالحین والكرام وان خیر الناس من ینفع الناس و خیرالكلام ماقل ودل و الخمدالله و حده) ارتحاللری (١٢٧٣ م و ٦٧٢ ه) تاریخنده+در