چقولاته - چوقدنبرو ممالك غربیه+ده و بو یقینلرده+در سعادتده استعمال اولنمقده بولنان شكرلی و قهوه چاشنیلی بر ماده اولوب آمریقاده و هندده بولنان و (قاقاعو) تسمیه ایدیلان بر اغاجك میوه+سندن یاپلمقده و ممالك سائره+یه كتوریلوب صاتلمقدە+در مذكور میوە+نك شكل و جرمی بادمه شبیه و لونی آچیق سیاهه مائلدر تازه قوپارلدیغنده طعمی ناخوش اولور ایسه ده قوریدلدیغنده لذت پیدا ایدر چقولاته یاپیله جغی زمان اشبو میوە+نك قبوقلری آیقلنوب و قهوه كبی كفایت مقداری قاوریلوب اینجه دوكلدكدن صكره ایچنه توز شكری قونه+رق قاریشدیریلور و مؤخراًً قالبلره باصیله+رق قوریدیلور بونی سود ایله پشیرە+رك قهوه كبی استعمال یاخود پیشیرمكسزین دخی اكل ایدرلر غایت مغدی و سود ایله استعمالی نافعدر فقط زیاده استعمال اولنور ایسه هضمی بطیئدر