جفر-جامعه — كندوسیله لوح قضا و قدرده مسطور احواله وقوف حاصل اولدیغی ادعا اولنان علمدركه جفر لوح قضای و جامعه لوح قدره تعلق ایدر. بعض طائفه+نك ادعاسنه كوره حضرت علی كرم الله وجهه جلد جفرده بسط اعظم طریقی اوزره یكرمی سكز حرف وضع ایلمشدركه آندن طرق
مخصوصه و شرائط معینه ایله برطاقم الفاظ عجیبه استخراج اولنوب الفاظ مرقومه دلالتیله بعض احكام استنباط ایدیلور بو علم اهل بیت و انلره منسوب اولانلر بیننده توارث ایده كلمشدر. اكرچه مشایخ كاملیندن بعضیلری ینه آنلردن تحصیل و اقتباس ایلدیلرسه دە غایت خفی و مكتوم طوتارلرایمش. بو علمه كمال وقوف آخر زمانده ورودی منتظر اولان (مهدی) نك خروجنه موقوفدر دینانلرده واردر. بو علم كتب انبیاء سالفه+ده دخی وار ایدی. منقولدركه مأمون خلیفه علی بن موسی الرضایی كندیسنه ولی عهد اتخاذ ایدوب اولبابده یازدیغی بر قطعه عهد نامه+یی النه تسلیم ایلدكده علی بن موسی عهدنامۀ مزبورك ذیلنه (نعم و لكن جفر و جامعه بو ایشك حصول پذیر اولمیه جغنه دلالت ایدیور) دیو یازمش وفی الواقع دیدیكی كبی اولوب مأمون كندیسنی بر شیدن طولایی تسمیم ایلمشدر.