لغات تاریخیه و جغرافیه

Lugat-ı Tarihiyye ve Coğrafiyye

چغتای

Çağatay

چغتای — مشهور جنكیز خانك ایكنجی اوغلیدر. مومی الیه پدرینك حیاتنده ماوراءالنهر امیری ایكن پدرینك وفاتندن صكره یرینه کچن بیوك برادری (اوكتای) طرفندن (ایوغور) دن سمرقنده قدر اولان ممالكه حكمدار تعیین اولندی و زماننده افسونكرلكله خروج ایدن و بخارا حوالیسنی ید ضبطنه الان (تاراب) نام شخصك غائله سنی امیر الامراسی ) قراچار) واسطه+سیله برطرف ایتدكدن صكره امیر مومی الیهك و صدر اعظم تعیین ایتدیكی (عمید الملك حبش) نام ذاتك همتلریله پك كوزل ادارۀ سلطنته موفق اولدی. وفاتی (١٢٤٠ م و ٦٣٨ ه) تاریخنده+در. مؤخراًً احفادی برقاچ شعبه+یه منقسم اوله+رق بر شعبه+سی سمرقند و دیكری مغولستانده اجرای حكومت ایلدیسه ده اشبو مغولستان شعبه+سی (١٥٦٤ م و ٩٧٢ ە) سنه سنه قدر انجق پایدار اوله بیلدی. جنكیزدن صكره بر ارە+لق (چغتای) نامیله تشكل ایدن ولایتك دائره+سی قپجاق. كشمیر. دهلی. كاشغر. بلوجستان. ممالكیله تحدید اولنمشیدی. حالا تركستانك بر قسمنه چغتای نامی ویریلور