جغاله زاده سنان پاشا — افرنجی الاصلدر. مشار الیه عصر سلیمان خانیده سرای همایونه آلنه+رق بعدالتربیه قابلیت و استعدادی نمایان اولدیغندن یكیچری اغالغی و بعض الویه والیلكی ایله التفات بیورلدی و مؤخراًً اینه بختی سفرنده دوننمای همایونه سردار تعیین ایدیلوب سلطان محمد خان ثالث حضرتلری زماننده و قوعبولان اكری محاربه سنده دخی تدبیرندن پك چوق استفاده ایدیله+رك مقام صدارته كچورلدی ایسه ده غمازلرك القاأتیله قوق كوندن زیاده صدارت ایده+مدی و عزلی عقیبنده شرق سفرینه سردار تعیبن اولنمغله اورایه دخی كیدوب ایكی سنه حدود ایرانیه+ده قالدی و قضارا دوچار انهزام و كرفتار غم و آلام اوله+رق ١٦٠٥ م و ١٠١٤ ه) تاریخنده دیار بكرده وفات ایلدی. مشار الیهك دیانت و صداقت و جسارتنی ثنا ایله برابر براز تند مشرب و مغرور ایدوكنی ده سویلرلر. استانبولده ایکی باب وبشكطاشده بر باب مسجدی و بر باب مدرسه وبر مكتبی و برده حمامی واردر