جعفر بن یحیای برمكی — خلغای عباسیه+دن ) هارون الرشید) ك وزیر اعظمیدر. جود و سخا و عدل و عطاده هر كون ستایشه الیق و فضل و ذكا و شعر و انشاده ایسه الحق بین الاقران حائز قصب السبق ایدی. اوازۀ عزو حشمت و ولولۀ صیت رفعتی بر درجه+یه واردی كه بونی دكل بد خواهان دولتی حستی آمر مطلق اولان خلیفۀ مشارالیه دخی بر درلو چكه میوب قوجونمغه باشلادیغندن و فی الحقیقه
قپوسنی عموم جهانه ملجأ یكانه طانتدیرمش اولان جعفر ایچون اویله بر صره+ده زمام سلطنتی اله آله بیلمك ایشدن بیله صایلمدیغندن دائما محوینه وسیله آراردی نهایت برلكده حج شریفه كوتوروب عودتلرنده یعنی ٨٠٤ م و ١٨٩ ه) یاخود ١٨٧ تاریخنده (انباء) نام قصبه+یه كلور كلمز مومی الیهی بغتةً اعدام و بو قدر بر قانه ده قانمیوب اكثری دوائر دولتده بولنان برمكیلری دخی كیمینی قتل و كیمینی نفی صورتیله و یورت و ماللرینی هدم و مصادره ایله بی نام و نشان ایلدی الشهرة آفة) بعض اقواله كوره هارون الرشیدك جعفره نامزد اولان همشیره+سی (عباسه) هر نصلسه صبرسزلقله یعنی قبل النكاح جاریه قیافتنده مومی الیهك خانه سنه كیدرك داخل فراش اولوب بر چوجق قزانمش و جعفر قورقوسندن چوجغی مكۀ مكرمه+یه كوندروب صاقلاتمش و هارون دخی كیفیتی مؤخراًً خبر اله+رق حجه كیدوب تحقیقات كافیه اجراسندن صكره مومی الیهی سویلندیكی كبی یولده اعدام ایتمش ایمش. بو حكایه ابن خلدونك رأینه باقیلورسه افسانه+در.