)جعفر صادق — ائمۀ اثنی عشرك التنجیسی و محمد باقر حضرتلرینك مخدوم عالیسی اولوب كنیه+لری ابو عبداللهدر. پدرلرندن استخلاف ایله كمالات باطنیه+لرینی درجۀ قصوایه ایصال و زهد و طاعت و صدق و استقامتده مراتب بشریه+نك اك عالی درجه+سنی استحصال بیورمشلر ایدی. عمرلرینك قسم اغلبی كوشۀ عزلت و انزواده کچدی و بایزید بسطامی حضرتلری بونلردن اخذ فیض ایلدی.
مشار الیه حضرتلری سلم حیاتك التمش بش یاخود التمش سكزنجی پایه سنه قدمنهادۀ شرف و عزت اولدقلری حالده (٧٦٥ م ١٤٨ ه) تاریخنده مدینۀ منوره ده داخل دولتسرای عالم آخرت اولمشلردر. منقولدركه بر كون منصور خلیفه+نك یوزینه بر سكك قونوب ایصیرمغله و منصور الیله قوغدیغی حالده سكك تكرار كلوب یوزینه قونمغله منصور حدت ایدوب عجبا بویله بر مزعج حیوانك یارادیلمسنده حكمت نه+دردیو امام مشارالیه حضرتلرندن سؤال ایلدكده مشارالیه حضرتلری انسان شكوه و شوكتنه مغرور اوله+رق تجبری اعتیاد ایتدكده جناب حق دخی بویله بر سكك ایله انی مضطر و مقهور قیله+رق ماهیتنده اولان عجزینی بیلدیرر جوابنی ویروب دیدۀ انتباهنی آچدیرمشدر. حضرت جعفر بر دفعه )ناس ایله اختلاط ومعارفه+یی تقلیله و سنی بیلنلره كندیكی اونوتدرمغه چالیش اكر یوز دوستك وارسه طقسان طقوزینی طرح ایله و او برندن دخی حذر اوزره اول) و بر دفعه دخی (توبه سز عبادت قرین قبول اوله مز) بیوردیلر و (التائیون العایدون) ایت كریمه+سنی اوقودیلر