لغات تاریخیه و جغرافیه

Lugat-ı Tarihiyye ve Coğrafiyye

جعفر طیار

Cafer Tayyar

جعفر طیار رضی الله عنه — كزیدۀ اصحاب كرامدن علی كرم الله وجهه حضرتلرینك برادر عالیقدرلریدر. مشارالیه حضرت فخرالرسل طرفندن اوچ بیك كشیله مأمور اولدیغی شام اوزرینه اثنای عزیمتنده بلقا جوارنده (موته) نام محله واریر وارمز روم ایمپراطوری )هراقلیوس) ك یوز بیك كشیلك بر اردوسی جانبندن استقبال اولنملریله ذره قدر خوف و هراسه دوشمیوب خاندان عالیلرینه یراشان ثبات و شهامتی بوراده دخی اجرا و حتی شیرازه بند مجموعۀ امت اولان دودست شریفلری بری برینی متاقب بریدۀ تیغ ستم اعدا اوله+رق بازولریله لوای سعادثی اعلایه چالشدقلری حالده نهایت طقسان یاره ایله مرغ روحلری طائرلانۀ فردوس اعلی اولمشدر. و محاربه+ده شجعان امرای اسلامیه+دن ایكی سرعسكر دها دلسیر جام. شهادت اوله+رق باقی قالان عساكر اسلامیه خط رجعتلرینی تأمینه غیرت ایلدیلر. (رضوان الله تعالی علیهم اجمعین) اشبو وقعه+یی (یعلی بن امیه) جنابلری موته+دن عودتله حضور حضرت رسالتپناهیده نقل و حكایت ایتدكده فخر عالم افندمز حضرتلری سعادتخانۀ حضرت جعفره عزیمت بیوروب مشارالیهك یتیملرینه )السلام علیكم یا بن الجناحین) دیه+رك یوزلرینی اوپوب و مبارك سینه+لرینه باصوب التفات بیوردقلری صره+ده )بن الجناحین) تعبیرندن سؤال ایدنلره حضرت جعفر دین مبین اغورنده قطع اولنان ایكی قولنه بدل جناب حقك جنتده یاقوت احمردن احسان بیوردیغی ایكی قناد ایله ایستدیی محله پرواز ایتمكده+دربیوردیغندن نام عالیلری (جعفر طیار) قالمشدر.