لغات تاریخیه و جغرافیه

Lugat-ı Tarihiyye ve Coğrafiyye

جسرلر

جسرلر — یا حضری اولور یا سفری اولور و حضری كوپریلر یا كاركیر یا اخشاب ویا ایاقلری كاركیر اوزری اخشاب اولمق اوزره ابنای سبیلك مرور و عبوریچون یاپیلوب محاربه زمانلرنده یا هدم یاخود (سركوپری) انشاسیله محافظه اولنور. سفری كوپریلرك )ثابت) اولان نوعی صیغ نهر و چای اوزرینه قازیقلر ركزی یاخود عربه+لر وضعیله و (سابح) اولان نوعی درین صولر اوزرینه تیمور واغاج طومباز وقایق و صال و امثالی اجسام سابحه ترتیبیله و اوزرلرینه تخته+لر فرشیله انشا اولنانلردر فقط اشبو ایكی نوع كوپریلرك خطوط الحركات یاخود خطوط المواصلات اعتبار اولنه جق و عسكرك بر قسمی كچر كچمز بر خط مدافعه تشكیل ایده+بیله+جك محللره انشا اولنمسی قواعد و فنون حربیه+دندر. بونلردن بشقه (جسر طیار) یاخود چكمه دنیلان كوپریلر دخی بربرندن اوزاقجه یان یانه كتوریلان ایكی قایغك اوزرینه كریش آتیله+رق و تخته دوشنه+رك صفه حالنه كتوریلوب و ایكیسنه ده دومن طاقیلوب صویك جریاننه عمود اوله+رق قییلرینه محكم باغلنمش خلاطلر واسطه+سیله یاخود كورك ایله سوق و عسكر و اشیا نقل اولنانلردر ) پاق) تعبیر اولنان قایق كوپری دخی صویك تأثیر جریانیله حركت ایدر التی دوز بیوك بر قایقدن عبارت اولوب دومنی صویك جریانیله اللی بش درجه زاویه رسم ایتمك اوزره قوللانیلان و نهرك بر یقه سندن اوبر یقه سنه خلاط كریلوب اشبو خلاط و مقره واسطه+سیله حركت ایتدیریلانلردر بو درلو متحرك كوپریلر فرات نهری اوزرنده و اناطولی و روم ایلینك بعض محللرنده موجود و)وارە كله) نامیله معروفدر. ایكی یقایه یاپیلان یوكسك كاركیر ایاقلره كریلی چفته زنجیره تعلیق و تسویه اولنمش كوپریلره وایکی یاننده+کی قورقولغی مقامنه قوی و بربرینه شطرنج واری مربوط اغاج یاخود تموردن وضع اولنان پرمقلق سایه سنده قازیق و دیركه احتیاجی اولمیان كوپریلره (اصمه كوپری) دیرلر بونلرك برچوق نوعلری و تیمور شمندوفر كوپریلری و درسعادتده+كی كبی تیمور طومباز كوپریلر صكره+دن ایجاد اولنمشدر. درسعادتده اولان كوپریلر ایچون (استانبول) كلمه+سنه نطر بیوریله