جزؤ فرد — علم حكمت طببعیه+ده اجسامك غایت صغیر و غیر قابل انقسام جزؤلرینه اطلاق اولنور. اجسام بونلرك كندو جذب و دفع قوای متقابله+لری تأثیریله بلاتماس اجتماعندن حادث اولور و قوای متقابلۀ مذكوره+نك درجه سنه كوره صلب و مایع و غاز حالنده بولنور ایمش. بر طاقم صایغیسز حكیملر اجزای مذكوره+یی تعداده قالقیشوب بر چوغی یاری یولدن كیری دوندیلرسه ده (نظریات جروم الحراره) صاحبنك افاده+سی اوزره موسیو (دپره) بر میلیمتره+نك بیكده بر قسم مربعی صوده ایكیوز یكرمی بش میلیوندن متجاوز (جزؤ فرد) اولدیغنه حكم ایتدی لكن صكره كندوسیده بو كشفی بكنمیوب برقاچ قات دها علاوه ایلدیسه ده بو محجوبیتنك نقدر ذراتدن عبارت اولدیغنی اكلایه+مدی. فن كیمیاده دخی بو كلمه بر معنای مجردی حائزدر شویله كه بر جسیم بسیطك اك كوچك جزؤنه (جزؤ تام) و بر جسیم مركبك اك كوچك جزؤنه )جزؤ مركب) دیرلر.