) جزایر — افریقا قطعه سنك جهت شمالیسنده وآق دكز ساحلنده اراضیء وسیعه+یی شامل بر كوزل مملكتدر. بوراسی مقدما فاطمیلره و انلردن دخی اسپانیوللره کچمش ایكن اهالیسنك غیرت و جلادتی سایه+سنده اسپانیوللر كلیاً طرد و ابعاد و مقام امارته خیرالدین بك نام امیر دلیر نصب و اقعاد اولنمشیدی. بو حال خیلی مدت دوام ایدوب
مؤخراً یعنی (١٥٣٤ م و ٩٤٠ ه) تاریخنده امیر مومی الیه یكرمی قطعه سفین و بعض هدایای معتبره ایله+درسعادته كله+رك بعد ازین خدمت شاهانه+ده بولنه+جغنی و بو وعدینه بر نشانۀ صداقت اولمق اوزره جزایرك ممالك دولت علیه+یه الحاقنی عرض و التماس ایتمكله قبول اولنوب والیلكی ینه عهده+سنه توجیه و طبل و علم اعطا و بر سنه صكره دخی قپودانلق احسانیله قدری ترفع و اعلا اولندی. فقط بر مدت مرورنده یعنی (١٧٠٩ م و ١١٢١ ه) تاریخنده باباعلی نامنده ظهور ایدن بر دایی والی یی قاچیروب زمام ادارۀ مملكتی ید استقلالنه آلدی. ١٨١٥ م و ١٢٣١ ه) تاریخده ده انكلتره و فلمنك دوننمالری طرفلرندن سكز ساعت قدر طوپه طوتلدیسه ده بر ایش كوره+میوب نهایت (١٨٣٠ م و ١٢٤٦ ه) تاریخنده ًاك صكره جزایر والیسی اولان حسین پاشانك سوءحركتی فرانسزلرك بغتةً استیلاسنه سبب اولدی. دولت علیه اوراسنی حالا دائرۀ حكمرانیسی داخلنده عد ایدر. اول وقت فرانسزلر جزایرك بر ملیون كیمسه+لك خزینه+سنی و ایكی بیك (طون) اقچه+سنی و ایكی بیك طونج طوپنی و اون ایكی عدد جنك تكنه سنی و انتیقه اوله+رق جسیم بر التون ال دكرماننی ولایعد اسلحه و اشیای میریه سنی ضبط ایتمشلر ایدی. جزایر شهری دولت علیه اداره+سنده اللی بیك نفوسی محتوی ایكن(١٨٧١ م و ١٢٨٨ ه) سنه+سنده وقوعبولان پروسیا محاربه+سندن صكره (الساس) و (لورن) ایالتلرندن خیلی خانه هجرت ایلدیكندن شمدی سكسان بیك نفوسی جامعدر. جزایر ولایتنك مساحۀ سطحیه+سی ٢٦٧٠٠٠ مربع مترودن و عموم اسلام اهالیسی ایكی ملیون سكز یوز التمش بو قدر بیك نفوسدن عبارت اولوب بونك خارجنده دخی اوچ یوز بیك اجنبی و نفوس غیر مسلمه واردر. (بون و (عوران) و (قسطنطین) و (تلمسان) شهرلری بلاد مشهوره سندندر. (حسین پاشا) كلمه+سنه دخی نظر بیوریله