جریر بن عبدالله البجیلی — مشاهیر اصحاب كرامدن حسن بی بهاء صاحبی بر ذات ملكصفات اولوب داخل حصن حصین اسلام اولمق اوزره مدینۀ منوره+یه كلدكده جانب جناب نبویدن و بالجمله اصحاب كرام حضراتی طرفلرندن فوق العاده حرمت و رعایتله قبول اولنمش و ارتحال نبویدن براز اول طائف جوارنده دعوای الوهیته قیام ایدن ذی الكلاع نام شخصك وجودینی قالدیرمق اوزره طرف حضرت پیغمبریدن بر سریه+یه قوماندان تعیین بیورلمشدر.