ابو الغیث — اعزۀ كرامدندر و مسقط رأسی تونس شهرتی
)فشاش)در. بو ذات خیلی زمان عریان اوله+رق تونس طاغلرنده كزوب
صكره قصبه+یه ایندی و برطاقم كرامات ارائه و مهدیلك دعوا ایلدیكندن
خلق باشنه طوپلاندیسه ده حكومت ایلروسنه میدان ویرمدی و مؤخراًً بر
مقدار ضرورته و صكره غنا و ینه ضرورته دوچار اوله+رق نهایت غنا و ثروتده
قرار قیلدی و برقاچ سنه ظرفنده اوتوز ایكی مسجد و زاویه و بونلره جسیم
وقفلر یاپدیردی و بو زاویه+لرده اوتوران و كلوب كچن برقاچ یوز بیقدرت
درویشانه هر اخشام و صباح طعام چیقارتدی و عاجزلرینه برر مقدار خرجلق
ویرلمسنی امر ایتدی و هركیم بر كتاب كوتوروب صاته جغنی ایما ایتمش
اولسه درحال قیمتنك برقاچ مثلنی ویروب المق عادتی اولدیغندن كتبخانه+سی
صحاف چارشوسنه دوندی ویالكز بیك عدد (بخارئ شریف) جمع
اولدی عزیز مومی الیهك علوم ظاهره و باطنه+یه دخی وقوفی و بعض كراماتی
و كاه بكاه عالم غیبدن اخباری مرویدر و فاتی (١٦٢١ م ١٠٣١ ٥
تاریخنده+در.