جرمان — چینك جهت شرقیسنده مسكون (غوت) یاخود (یوت) طائفه سنه منسوب بر بیوك قبیله+یه اخیراً ویریلن نام عمومیدر. بونلر نیجه مدت كاه بالاستقلال حكومت سوره+رك و كاه حمایه+لر التنده بولنه+رق برو طرفلره طوغری یایلدقلری زمان طانینوب مؤخراً (ژت) و (میلاماند) و (المان) و (ساقسون) و ساقسونلره منسوب (انغل) و (هرول) و (واندال) و (لومبارد) و (فلمنك) كبی برچوق قسملره
منقسم اولمشلر و حتی (اسقاندیناو)لر یعنی (اسوج نوروج) (دانیمارقه) (ایزلاندا) (نورتمان) اهالیسی بیله لسانلری اعتباریله جرمان قومنه منسوب بولنمشلردر بالطق سواحلندن طونه حوالیسنه كلوب (٥٤٨١ خ) تاریخنده رومالولرك بش بیوك اردوسنی پریشان ایدرك غول و اسپانیا ممالكنه مستولی و (٥٤٩٣ خ) تاریخنده روما جنزالی (ماریوس)ه مغلوب اولان (سیمبر) و (طوتون) قبیله+لری و ٥٥٩٠ خ) تاریخنده بوهمیاده حكومت تشكیل و روما اصولی اوزره التمش بیك پیاده و قرق بیك سواری ترتیب ایدن (ماربود) قبیله+سی دخی ذكر اولنان قسملردن خارج دكلدر.