چركس محمد پاشا — اندرون همایوندن فیض اله+رق سلحدارلقدن وزارتله شامه والی اولمش و ١٦٢٣) م و ١٠٣٣ ه) تاریخنده كمانكش علی پاشانك یرینه صدارتعظما ایله اعزاز اولنمشدر اناطولیده ظهور ایدن ابازه پاشانك جمعیتنی طیار محمد پاشا یاردمیله قیصریه جوارنده پریشان ایتدكدنصكره ایران سفری تداركنه تشبث ایلدیكی صرده سفر آخرته روان اولدی مدت وزارتی عهد مراد خان رابعده اون آیه بالغ اولور كریم و دیندار و زهد و غفتله شهرتشعار بر ذات عالی تبار ایدی اناطولیده بنا ایتدیکی كپریلری حالا باقیدر.