لغات تاریخیه و جغرافیه

Lugat-ı Tarihiyye ve Coğrafiyye

چركزستان

Çerkezistan

چركزستان — روسیه+ده بر قطعه+درقفقاسیه+نك ایكی حوضه+سی اوزرنده واقع اولوب غرباً قره دكز شرقاً بحر حزر شمالاً قفقاسیه ایالتی جنوباً (ایمه ره تی) (ابازه) (منقرەلیا ) كورجستان) ایله محدوددر. غربدن شماله سكز یوز سكسان و شمالدن جنوبه یوز اوتوز كیلومترو اتساعی و التی یوز بیك نفوسی اولوب كرسیء اداره+سی (موردوك) شهویدر. اشبو قطعه چركزستان غربی ویا بیوك قبارطای و چركزستان شرقی ویا كوچك (قبارطای)ه انقسام ایدر جنوب جهتنده عالی طاغلر و ترك نهری وقوبان كولنك سواحلی اوزرنده واسع صحرا و چایرلری واردر شرق جهتنده مسكون اهالی+یه (چیچن) و غربده بولنانلره (چركز) اسملری اعطا اولنور بونلر شجیع وجنكاور اولوب اكثریا اواره كچینورلر. اون بشنجی عصر نهایتنه طوغری اظهار اسلام ایلدیلر چركزلر كورجیلر كبی كرۀ ارض اوزرنده بولنان مخلوقاته حسن و جمالجه فائق و قادینلری ایسه كوزللكده پری پیكر اطلاقنه لایقدر چركزستان قولشید بو سغور كرجستان خانلرینه و خیلی مدت عثمانلیلره تابع اولدقدن صكره (١٧٧٩ م و ١١٩٣ ه) تاریختده قینارجه معاهدۀ مضره+سنك آیینه لی قواقده تعدیلی صره+ده روسیه+لولرك التماسیله قریمه الحاقنه مواففت ایدیلوب مؤخراً قریم ایله برابر روسیه لیلره كچمشدر. فقط (١٢٩٤ ه) تاریخنده و مؤخراً چركسلرك پك چوغی ممالك دولت علیه+یه هجرت ایلدیكندن شیمدی چركزستانده اولكی نفوسك ربعی قالمامشدر