لغات تاریخیه و جغرافیه

Lugat-ı Tarihiyye ve Coğrafiyye

چرچیس

چرچیس — فلسطین اهالیسندن بر عابد ذاتك اسمیدر. بو ذات حضرت (عیسی) علیه السلامك دینی أوزره عبادات و طاعاتله مشغول ایكن (٩١ م) تاریخنده امر معنوی ایله موصله كیدوب اورانك حاکمی (زادان) ایله اهالیسی دین جناب عیسایه دعوت ایتدی و حاكم مومی الیه مشارالیهی تیمور طراقلر طراتوب دریسنی ییرتمق و باشنه قزغین اكسر میخلامق و قزغان ایچنده قایناتمق كبی بیوك اشكنجه+لرله ازعاج و وفات ایتدی ظنیله ترك ایتدیکی حالده مشارالیه ینه دیریلوب دعوته دوام ایلدی و دردنجی اعدامنده وفات ایدوب خائن مرقومك الندن قورتلدی. مشارالیهك دعوتنه اجابت ایدن اوتوز درت بیك كشی اولوب جمله+سی خائن مرقومك غدریله هلاك اولدیغی منقولدر. بونك نبوتنه قائل اولنلرده واردر. اولوقت ارض كنعانده بر قبیله+نك اسمی دخی (چرجیس) ایدی.