لغات تاریخیه و جغرافیه

Lugat-ı Tarihiyye ve Coğrafiyye

جربه

جربه — بحر سفیدده تونس ممالكی داخلنه طوغری كیرمش اولان (قابس) كورفزینك جنوب طرفنده قاره+دن طار بوغاز ایله فصل اولنمش براطه+درو قدیماً مستحكم بر قلعه+سی اولدیغی حالده شمدی یالكز برقاچ پاره قریه+دن عبارتدر مشهور غازی (قوجه طورغودجه) اوائل حالنده اشبو جزیره+نك (قنطره) دنیلان لیماننده لوندات كمیلرینی قلفات ایدیرمكده ایكن وندیك و جنوز و اسپانیا دوننملرینك قوماندانی (جغاله) نام قپودان دوننماسیله كلوب لیمان مزبورك اغزینی سد و (طورغودجه)یی قنطره لیماننده قپاتدم كندینی و طاقمیله كمیلرینی اسیر ایده+جكم دیه+رك اوروپانك هر طرفنه خبرلر كوندرمسیله بر طاقم سیرجیلر اختیار كلفۀ سفرله جربه اطه+سنه كلمك اوزره مملكتلرندن چیقدقلری صره+ده (طورغودجه) بر كیجه كندو كمیلرینی بر طارجه صودن زوربازو ایله اوته طرفه آشیروب و فضله اوله+رق سیره كلمكده اولان جنویز زادكاننك راكب اولدقلری كمی+یی دخی یقالیوب صاوشمش کتمشدر جزیرۀ مزبوره+یی (١٥٥٧ م و ٩٦٥ ه) تاریخنده مشهور پیاله قپودان قوجه (طورغودجه) نك یاردمیله آلتمش كون محاصره و اوتوز بیك دشمن تلفیله آلمشیدی. پیاله قپودانك اولجه اشبو اطه جوارنده ایتدیكی محاربۀ بحریه+نك مثلی هیخ بر تاریخده كورلمدی زیرا قوجه دكز دشمن قانیله لعل كون اولدی.