جرب - اویوز علتی — كوز ایله كورلمز بر بوجكك وجودی استیلاسندن عبارتدر و چاره+سی ذكر اولنان بوجكلری اولدورمكدر وعلاجی قره صابون ایله وجودی دلك و بعده لزومی قدر بانیو ایدلدكدن صكره حكمایه بالمراجعه كبریت چیچكی و تحتانی فحمیت پوتاس و شحم خزیر وملح نشادر و شاب و اردیج و دفنه تخمی كبی اجزالرك پوماته+لری سوریلور. برر مقدار كوكرت چیچكی اخذ اولنمق و بعضاً مسهل ایچلمك دخی فائده+دن خالی دكلدر.