جراح محمد پاشا — اندرون همایون خواص بندكانندن ایكن شهزاده سلطان محمدك اجرای ختاننده ایتدیكی خدمته مقابل یكیچری اغالغنه —
وزراته نائل و بر طاقم مناصب عادیه دورندنصكره (١٥٩٧ م و ١٠٠٦ ه) تاریخنده خادم حسن پاشانك یرینه مقام صدارته واصل اولدیسه ده علت نقریسه دوچار اولمغله بالذات تمشیت مصالح دولته مقتدر اوله مدیغندن اون بر ای صكره عزل و تقاعدی اجرا اولندی وفاتی )١٦٠٢ م ١٠١١ ه) تاریخندە در. و خیراتندن استانبولده جامع شریفی و مكتب و مدرسه وسبیلی و چشمه و درسخانه و چفته حمامی مشهور و زهد و صلاح ایله آراسته بر ذات اولدیغی تواریخده مذكوردر