جدره یعنی (بوغاز اوری — بو مرض ارثی ویا توطنی اوله+رق اقالیم بارده و راطبه+ده پیدا اولور و اثنای ظهورنده التهاب اولمدیغی كبی جلدده دخی بر كونه تغیر وقوعبولماز. لنفائی المزاج اولان رجال و نسا علت مذكوره+یه زیاده مستعددرلر. جدره عنقك اوك طرفنده غیر منتظم و محدب بر ورم اولوب بعضاً فعل تنفسه سكته ایراث ایدە+جك درجه+ده كسب جسامت ایلدیكی واردر و قار صولری ایچمكدن و یاخود یوكسك طاغلردن كلوب مولدالخموضه+سی تقلل ایلمش اولان و دروننده حامض فحم بولنان صولردن حصول ایلدیی ظن اولنمقدەدر. بو علتك دفعیچون اطبا (اییوت)لی صولر و (اییوت) و (بارییوم)لی پوماته+لر ولاپه+لر ویررلر.