جُبل بن ایهم — شام شریفده غسانیاندن بر حكمدارك اسمیدر. بوادم ( ٦٣٧ م و ١٦ ه) تاریخنده ایكیوز اللی قدر توابعیله و عظمتیله
مدینۀ منوره+یه كلوب شرف اسلامله مشرف اولدقدنصكره حضرت (عمر) رضی اه عنه ایله ادای حج ایچون مكۀ مكرمه+یه كتدی و اوراده اتكنه باصدیغیچون ضرب ایتدیكی بر فقیرك شكایتی اوزرینه حضور جناب عمره دعوت اولنارق یا قصاصاً فقیر مرقومك دخی كندوسنی ضرب ایتمسنی
یاخود تطییب ایله دعوادن رجوع ایتدیرلمسنی اخطار ایلدكلرنده بر كون رخصت استه یوب او كیجه توابعیله فرار و روم ایمپراطورینه التجا ایلدی. بونك استانبوله كلوب ارنود قریه+سنده اسكان اولندیغی و حضرت علی رضی اه عنه زماننده كلوب تجدیدایمان ایلدیكی حالده حقنده حرمت و رعایت اولنه+جغی اشعار اولندیغی حالده (عار علینا ان نعود) جوابنی ویروب كتمدیكی وارنود طائفه+سی بونلردن ظهوره كلدیکی بعض تواریخده كورلمش ایسه ده بو روایته پكده صحیح نظریله باقیله+مز. بحرین ونجد و تهامه طرفلرنده و ساحل بحر شامده بو نامده بعض نواحی و قرا و وادی دخی واردر