جبل مقطم — مصرده مقر خدیویت اولان شهر (قاهره) نك جهت جنوبیسندن ابتدا ایله بحر احمر ساحل غربیسی بوینجه ممتد اولان سلسله+نك شهر مزبور قربنده كائن مبدئیدر. اوزرنده وقتیله ملك مصر مشهور صلاح الدین ایوبی طرفندن بنا و قاعد جوهر جانبندن توسیع و تعمیر اولنمش بر قلعه موجود اولوب مؤخراً قلعۀ مزبور والی اسبق محمد علی پاشانك امریله دخی تعمیر و ایچنه مكلف بر قصر و بر جامع شریف و تربه و ضربخانه و اسلحه فابریقه+لری انشا و تزیین اولنمش ایدی.