جانی بك — جوجی اولادندن باغچه سرایده حكومت ایدن خانلردندر صاحب سخا و محب علماء و فضلاء بر ذات اولدیغندن دركاهنه اطراف و اكنافدن خیلی فحول جمع اولدی وفحولین مشار الیهمه داخل اولان سعدالدین تفتازانی حضرتلری مشار الیه نامنه ( مختصر) نام كتابی تألیف ایتدی. مشارالیه ( ١٣٥٦ م و ٧٥٨ ه) تاریخنده آزربایجان سفرندن عودت ایدركن كیفسزلكنی فرصت اتخاذ ایدن اوغلی (بردی بك) و مقربی (طغلو بای) نام خائنلر یدیله بغتةً اعدام اولنمشدر