لغات تاریخیه و جغرافیه

Lugat-ı Tarihiyye ve Coğrafiyye

جانفدا

Cânfedâ

جانفدا — سلطان مراد ثالث زمانی سرای قادینلرندن عقل و تدبیر صاحبه+سی بر قادیندر والدۀ پادشاه (نور بانو) سلطان آخر عمرنده مومی الیهایی پادشاه مشار الیهه توصیه ایتمكله كتخدا قادین نصب اولندی و زمام ادارۀ دولتی اللرینه آلان اركان و اكابرك برنجیسی اولدی حتی اركان مزبوره+دن ندیم شمسی احمد پاشا و خواجه سعد الدین افندی و دار السعاده اغاسی غضنفر اغانك پادشاهی تحویله قادر اوله مدقلری امورده مومی الیهانك وساطتنه مراجعت ایتدكلری مشهوردر پادشاه مشار الیهك وفاتندن صكره دخی مومی الیها مستوفی معاش و تعیینات ایله توظیف اولنه+رق سرایدن چیقاریلان جاریه لرك اره ویرلمسی ایشلرینه باقدیرلیور ایدی. برادری دلی ابراهیم پاشانك ظلم و تعدیسنه مبنی شكایتجیسی ظهوره كلدیكنده ذرتما تصاحب شویله طورسون اعدامدن بیله قورتارمق استه+مامشدر. استانبولده جامع و سبیل و مكتب كبی آثار خیریه+سی موجوددر.