جامی — كبار اولیاء اللهدندر و اسمی احمد النامقی و لقبی شیخ الاسلام و تاریخ وفاتی (١١٣١ م و ٥٢٦ ه)در. مشار الیه یكرمی ایكی یاشنده طریقت علیه+یه انتساب ایدوب اون سكز سنه ریاضت و تكمیل سلوك ایتدكدن صكره ارشاده مباشرت بیوردی. علم توحید و معرفت و قواعد و آداب طریقت حقنده پك چوق تصنیفاتی و اوچیوز بیكدن متجاوز درویش و محبی وار ایدی و مع مافیه اویسی وامی ایدی. كراماتی پك چوقدر حتی بر اعما تركمان چوجغنك كوزلرینی هركسك كوزی أوكنده آچمشدر. هراته تشریف بیوردقلرنده اهالی عموماً ایكی ساعتلك یردن استقبال ایدوب شیخ جابر و قاضی ابو الفضل كبی بیوك ذاتلر تبركاً محفه سنی اوموزلرنده طاشیدیلر و جمله+سی خاكپاینه یوز سوروب دعاسنی رجا و رضاسنی تحصیل ایلدیلر. مشار الیه ) جریر بن عبد الله بجلی) رضی الله عنه سلاله+سندندر عبد الرحمن جامی بشقه انك . ایچون عبد الرحمن كلمه+سنه نظر بیوریله