ابو علی سینا — حكمای اسلامیه دندر و مسقط رأسی بخارا اسمی
حسین بن عبداه بن سینادر. مومی الیه اون التی یاشنه قدر علوم طبیعیه
و ریاضیه و طبیه و منطق وسائره+یی تحصیل ایدرك علم طبی تدریسه باشلادی
و بر بچق سنه ظرفنده جمیع كتب فلسفه+یی مطالعه و (ارسطو)نك مسلكی
اوزره كتابلر تألیف ایدوب مومی الیهك اونودلمش اولان اقتدارینی میدانه چیقاردی و اندن صكره علوم آلیهه+یی بلا استناد تحصیل ایدوب سنی اون سكزه واردقده شهرتی عالمی طوتدی ووقوعبولان دعوتلر اوزرینه (جرجان) و (ری) و (قزوین) ممالكنه كیدوب اورالرده بر مدت ارام
ایتدكدنصكره (همدان)ه واردی و ملك (شمس الدولة)یه مصاحب
و بعده وزیر اولدی و اثنای وزارتنده كوندزلری مصالح عباد و كیجه+لری
تدریس طلاب ایله اشتغال ایدرك پك چوق عالم یتشدیردی و ملك مشار
الیهك وفاتندن صكره امیر (علاءالدوله)نك دعوتنه مبنی اصفهانه عزیمت
و اوراده بر تكمل رصدخانه و آلات رصدیه تداركنه همت ایلدی و نهایت
حظوظات شهوانیه+یه ابتلادن ناشی عارض اولان فقردم و قولنج و صرعه
علتلرندن قورتیله+میوب اللی سكز یاشنده اولدیغی حالده همداندن آخرته
كتدی
استاد مومی الیهك شو قیصه عمری تحصیل علوم و سیاحت و علل و سقامتله
كچدیكی حالده علوم شریفه+یه اولان همت و غیرتی حیرت افزای عقولدر
و بو غیرت و همتی سایه+سنده كندوسنی حكمتده ارسطو طبده بقراط طانتدیرمش
و شیخ الرئیس عنواننی آلمشدر. مومی الیه اجسام عالمك حدوثی بابنده
ارسطو و ابو النصر فارابی رأینه تابع اوله+رق (افل كك ذاتی و صفاتی
و شكلی قدیمدر و حركات و اوضاعنك هر بریسی حادت و مسبوق بالاخردر
و حركاتنك اولی و نهایتی یوقدر یعنی بنوعها قدیم و بشكلها حادثدر) دیدی
وفاتی (١٠٣٥ و ٤٢٧ ه) تاریخنده+در
زیرده محرر اولان تألیفاتندن قانون طبی (ژارار غرمون) معرفتیله لاتنجه+یه
وسائر بعض كتابلری فرانسز جیه ترجمه اولنمش و منطقی (١٦٥٨ م و ١٠٦٩ ه)
تاریخنده پارسده موقع انتشاره چیقارلمش و مشهور قصیدۀ روحیه+سنه شیخ
الوزرا سامی پاشا مرحوم بر كوزل شرح یازمشدر. (راوند) و (خیارشنیه) و (تمرهندی) ابو علی سینانك كشف ایتدیكی
ادویه+دندر
ابو علی سینانك تحقیق اولنه+بیلان تألیفاتی شونلردر
عدد جلد
١ ١ تفسیر بعض سور قرأنیه
١ ١ احادیث نبویه
٤ ٤ كتاب المبدأ والمعاد
١ ٢ كتاب البر و الاثم
١ ٢٠ كتاب الانصاف
١ ٣ كتاب النجاة
١ ١ قانون الطب
١ ٢٢ لواحق الشفاء
١ ٢٢ لواحق الانصاف
١ ٢٠ الحصول رالمحصول ١٠٦
١٠٦ منطق طب نجوم شعر انشا وسائره+دن
١١٩ ٢٠٢ یكون