جامع التواریخ— فارسی . ( ١٣١٨ م و ٧١٨ ه) تاریخنده مقتولاً وفات ایدن وزیر خواجه رشیدالدین بن فضل اللهك سلطان غازان زاده خدابنده محمدك امریله تألیف ایتدیكی اثردر كتاب مزبور سزاوار اعتبار بر اثر مشهور اولوب تواریخ انبیا و خلفا و طبقات ملوك و اصناف بنی بشر و ظهور اتراکی و چغتای ماچین كشمیر هند بنی اسرائیل ملاحده افرنج و اقوام سائره+یه منسوب معلومات تاریخیه+یی و صور و احوال اقالیمی و دها سائر مواد متقدمه+یی شاملدر جنتمكان سلطان مراد خان ثالث حضرتلری اعیان دولتندن كاتب میر محمد زعیم دخی انبیا و ملوك و خلفادن صكره یكرمی بش دولت حقلرنده معلومات مفیده+یی جامع اولمق اوزره بو نامده بر اثر براقمشدر