لغات تاریخیه و جغرافیه

Lugat-ı Tarihiyye ve Coğrafiyye

آبان بن سعید بن العاص

Âbân b. Saîd b. el-'Âs

آبان بن سعید بن العاص رضی الله تعالی عنه — شجعان اصحاب كرامدندر (٦٣۴ م و ١٣ ه) تاریخنده شام فتحنده نیجه قهرمانلقلر اجرا ایتدكدنصكره بر مسموم اوق اصابتیله یارە+لندیغندن قرنداشلری اردوكاهه كتوروب باشندن عمامه+سنی چیقارمق استدكلرنده آنی چیقارمین زیرا روحمك دخی برابر چیقمسی مقرردر دیدی و دكله میوب چیقاردقلری كبی كوزلرینی سمایه دیكه+رك و پرمغیله شهادت كتورە+رك و (هذا ماوعد الرحمن و صدق المرسلون) آیت كریمه+سنی تلاوت ایلیه+رك تسلیم روح ایلدی و زوجه+سی مشارالیهك بو صورتله شهادتنی خبر آلدیغی كبی ذاتاً پك مشهوره كمانكش اولدیغندن میدان محاربه+یه چیقوب خیلی اعدا تلفیله اخذ ثاره موفق اولدی.