لغات تاریخیه و جغرافیه

Lugat-ı Tarihiyye ve Coğrafiyye

جالوت

Câlut

جالوت — ( ٤٥٤١ خ) تاریخنده فلسطین حكمداری بولنان ذاتك بنی اسرائیل اوزرینه سوق ایتدکیی عسكرك قوماندانیدر. مرقوم ابتدای محاربه+ده شجاعتنه كوكنه+رك منفرداً میدانه چیقوب بنی اسرائیلدن مبارز طلب ایلدكده هیج كیمسه جسارت ایده+میوب میدان كندوسنده قالمق اوزره ایكن برادرینه اتمك كتورمش و اوزاقدن محاربه+یی و مرقومك زره پوش اوله+رق میدان اوقودیغنی سیر ایتمكده بولنمش اولان (داود) علیه السلام هنوز اون سكز یاشنده اولدیغی حالده غیرته كلوب بنی اسرائیل ملكی (طالوت)ك یاننه كتدی و سز هر كیم جالوته قارشو چیقار و تپه+لر ایسه اكا بیوك مكافات ایده+جكم دیو وعد ایتمشسكز اشته بن بو وظیفه+یی ایفا ایده+جكم دیوب و قرنداشنك و سائره+نك منع و نصیحتنه قولاق ویرمیوب یالكز بر صپان ایله قارشوسنه چیقدی و ایلك حمله+ده آتدیغی طاش ایله هلاك ایلدیسه ده ملكدن وعدی كبی مكافات اله مدی.(داود) كلمه+سنه دخی نظر بیوریله . جالوت (جعلیات) ك و طالوت (شاوول) ك معربیدر و اشبو جالوت نامی مؤخراً غور پادشاهلرینه دخی عنوان اولمشیدی.