جاسان — مصر وسطاده نیلك جانب شرقیسنده واقع اراضئ وسیعه+نك نام قدیمیدر. بنی اسرائیل ارض كنعاندن مصره كلدیكی زمان یعنی آل یعقوب یوسف علیه السلامك التماسی و فرعونك مساعده+سیله هجرت ایتدیكی وقت بو اراضیده اسكان اولنمش ایدی بونلر زمان خروجه دكین بوراده چوغالوب خیلی شهرلر بنا ایتدیلر و هله مؤخراً فرعون رامسسك توسیع و تزیین ایتدیكی (اون) شهرنده پك چوق جمعیت پیدا ایلدیلر. بعض تواریخده جاسانك ( جزان) یازیلدیغی دخی كورلمشدر.