لغات تاریخیه و جغرافیه

Lugat-ı Tarihiyye ve Coğrafiyye

جاذبۀ كیمیویه

Câzibe-i kimyeviye

جاذبه — اجسامك كافۀ جزؤلرینه ملازم اولان و مذكور جزؤلری بربرینه تقریب ایدن قوتدر. اثرینی مسافۀ بعیده+دن اجرا ایدن جاذبه+یه (جاذبۀ عمومیه) و اثرینك حصولی تماسه متوقف اولان جاذبه+یه جاذبۀ جزؤ فردیه) اطلاق اولنمقده+در. اجرام سماویه+نك معلوم) اولان حركتلرینك سبب مستقلی جاذبۀ عمومیه+در. (نوتون) نام ذات كپلر) ك حركات اجرام حقنده بولدیغی قوانیندن بالاستدلال اجرام مزبوره+نك بربرینه اولان جذبلرینك جوهرلریله متناسب اولدیغنی و ارض اوزرنده ایكی جسمك بربرینی جذبی دخی ینه بر قانونه تابع بولدیغنی كشف و استخراج ایتمشدر. ثقلت اجسام دخی جاذبۀ عمومیه+نك بر حالت مخصوصه سیدر. مقناطیس ایله الكتریقده كوریلان جذب و دفع دخی قانون مزبور حكمنه تبعیتله وقوعبولمقده+در. جسملرده مشهود اولان )جاذبۀ جزؤ فردیه) حصوله كتوردكلری آثاره نظراً مكث و التصاق و آثار شعریه و جاذبۀ كیمیویه ویا (امتزاج كیمیویه) ناملریله یاد اولنورلر

جاذبۀ كیمیویه — اجسامك جزؤ فردلرنده اولان قوته دینوركه جسملرك امتزاج كیمیویلرینه واسطۀ مستقله+در. بو جهتدن جاذبۀ مزبوره+یه امتزاج كیمیویه دخی دنیلور. انجق جاذبۀ مزبوره+نك سببیت ویردیكی شو امتزاجدن خواص جزؤ مركبلرك خواصنه غیر شبیه مركبات حصوله كلدیكندن جاذبۀ كیمیویه+نك جاذبۀ جزؤ فردیه+دن بشقه بر قوت .اولدیغی دخی اكلشیلور