جاحظ — اسمی عمر و كنیه+سی ابو عثمان مسقط رأسی بصره تاریخ وفاتی (٨٦٨ م و ٢٥٥ ه)در. بو ذات علم و فضل و بلاغتده یكانۀ عصر و فوائد نفیسه و اثار لطیفه صاحبی بر ادیب نادر اولدیغندن زمانی علماسی امت محمدیه+نك سائر امتدن فضل و مزیتی عمر بن الخطاب رضی الله عنه حضرتلرینك حسن سیاستی و جاحظك بیان و بلاغتی ایله+در دیو ثنا ایدرلر ایدی. حتی سید شریف جرجانی حضرتلری دخی شرح مواقفنده فصاحت و بلاغتنی تصدیق ایتمش و حكایات عجیبه و غریبه+سیله كتابلر طولدیرلمشدر و حقیقةً امام اعظم رحمه الله حضرتلری فقهده و خلیل نحوده و جاحظ فصاحت و بلاغتده و ابو تمام شعرده مسبوق الامثال .دكلدر دیرلر جاحظ بغداده كلدكدن صكره شیخ المعتزله نظامدن علوم فلسفه+یی دخی تحصیل و مذهبنه میل ایدوب مذهب مذكورده بر مسلك مخصوص ایجاد ایلدی و (كتاب الحیوان) و (كتاب الامصار) و (كتاب البنیان و التبیین)ی یازدی و فوائد كثیره+یی مشتمل دها پك چوق رسائل قلمه الدی. مومی الیه وزیر ابن ابی داوددن احترازاً فرار ایدوب بر مدت صكره اخذ و درزنجیر اولنه رق جلب ایله حضور ابن ابی داوده چیقارلدقده (ابن ابی داود یا جاحظ بن سنی بیلورمكه كافر النعم و شایستۀ جزا و نقمسك اشته جزانك وقتی كلدی) دیدكده جاحظ (ابن ابی داود جاحظی اساءتی مقابلی جزا ایتدی دیدرتمكدن عفو و احسان ایلدی دیدرتمك دها اصوب و اولادر
ظن ایدرم و بورالرینی دوشنمكی غضبله یورلمقدن خیرلودر دیرم) دیمكله .یقایی قورتاردی. جاحظ غایت چركین و لقمه كوز بر آدم ایدی بركون بر قادین مشار الیهی الوب بر دوكمه جی دكاننه كتورەرك ایشته بویله دیمش و صاویشوب كیتمش اولمسیله جاحظ بو قادین بنی بورایه نیه كتوردی و سكا بویله دیدی ده صاوشدی كیتدی دیو دوكمه جیدن سؤال ایتمكله دوكمه+جی بو قادین بكا بر شیطان هیكلی دوك دیدی بنده شیطانی كورمدم هیكلی نصل یاپه+یم دیدم واردی سنی كتوردی و ایشته بویله دیوب .کتدی جوابنی ویرمشدر