ثوبال — اصحاب كرامدن و خدام نبی ذیشاندن ابو عبد الله رضی الله عنه حضرتلریدر و اصلی یمنلیدر. اسیر اوله+رق كتورلدیكی زمان حضرت پیغمبر افندمز آلوب آزاد بیوردی مشار الیه دخی انتقال حضرت پیغمبری+یه قدر خدمت سنیه+لرنده بولنوب بعد الانتقال (٦٧٣ م و ٥٤ ه) تاریخنده حمصده وفات ایلدی. (طوبی لمن ملك لسانه ووسعه بیته و بکی علی خطیئته) یعنی نه موطلو او آدمه كه لسانی محفوظ وخانه+سی وسعتلو و كناهلرینی آكوب اغلاییجی اوله كلام دری النظامی مشار الیهك كلمات حكمت آیاتندندر.