ثمود — (كاشر) یاخود (عابر) بن (ارم) بن (ارفخشد بن سامك اوغلیدر بو نام مرقومك قبیله+سی خلقنه دخی عنوان اولمشیدی. قبیلۀ مرقومه ابتدا یمن الكاسنك جانب شرقیسنده مسكون ایكن (٣١٢١ خ) تاریخندن یعنی میلادك ایكی بیك درت یوزیتمش اوچ سنه مقدمندن اول یمن پادشاهی اولان (حمیر بن سباء) خسارات و فسادات واقعه+لرندن دلكیر اولدیغنه بناء بونلری یمندن طرد ایتمش و بونلر دخی حجاز ایله شام اره+سنده واقع ارض حجره كلوب توطن ایلمشیدی لكن اوته+دنبرو آلشمش اولدقلری فسادات و فسق و فجوره اولكندن زیاده میل و جرأت و پیغمبرلری (صالح) علیه السلامك نصایح و تهدیداتنه قولاق ویرمدكدن بشقه معجزات باهره+لرینی تحقیره دخی جسارت ایلدكلرندن تاریخ مزبورده بر صیحۀ هولناك ایله هلاك اولمشلردر.