لغات تاریخیه و جغرافیه

Lugat-ı Tarihiyye ve Coğrafiyye

ابو عبیده بن مسعود

ابو عبیده بن مسعود — شجعان اصحاب كرامدندر هجرت نبویهنك اون دردنجی سنه+سنده حضرت عمر رضی الله عنه طرفندن )حیره) فتحنه كوندرلمشیدی رفاقتنده اولان عساكر اسلامیه ایله )زاب) نهرینك اوته یقه+سنه كچوب اعدا ایله محاربه+یه طوتشدقده عساكر اسلامیه+نك اتلری اعدانك فیللرندن اوركدیكی جهتله بوزغونلق و قوعبولدی و قهرمان مشار الیه فیللردن برینك اوزرینه یورییوب خرطومنه قلیج چالمسیله فیل مشار الیهی التنه اله+رق شهید ایلدیكندن عسكر بتون بتون رجعته مجبوریت كوردی و اولجه قورلمش اولان کپری امید رجعتی قطع ایچون مشار الیه طرفندن كسدیرلمش بولندیغندن عساكر اسلامیه+نك همان اكثریسی غریق لجۀ رحمت و نائل رتبۀ شهادت اولدی.