ثمرات الاوراق — (١٤٣٣ م و ٨٣٧ ه) تاریخنده وفات ایدن شیخ تقی الدین ابی بكر بن علینك محاضرات و نوادر و حكایاته دائرترتیب ایتدیكی اثر مثمردر
ثمرات البستان و زهرات الاغصان — (١٥٥١ م و ٩٥٩ ه) تاریخنده وفات ایدن شیخ ابراهیم برهان الدین بن یوسف بن عبدالرحمن حلبینك ثمرۀ قلم شیرین رقمیدر
ثمرات الفوأد فی المبدأ و العاد— تركی .كاتب عبد الله افندینك خلافة آدم علیه السلامدن و طلب حب اصلی و اقسام اهل سلوك و سلسلۀ مشایخ و روح حیوانی و سلطانیدن باحث و بش باب بر خاتمه+یی جامع اثر بركزیده+سیدر
ثمرة الاشجار— فارسی . منظوم سلطان یعقوبك عصر خلافتی اعیانندن جمال الدین روز بهانك حدیقۀ قریحه+سنده نشو و نما بولان آثار لطافت شعاردندر شو وجهله بدأ ایدر
تابحمد تونعره زد بلبل
همه كوشیم چون درخت كل
الثمرة فی احكام النجوم — حكمای مشهوره+دن بطلمیوسك رومجه (الظرومطا) تسمیه اولنان اثرینی ابی یوسف اقلیدس و ابی محمد شیبانی و ابی سعید ثمالی و این طیب جاثلیقی سرخسی و علامه نصیر الدین طوسی شرح ایدرك بو نامی ویرمشلردر