ثقلت اضافیه — حكمت طبیعیه+ده اجسامك (٤ +) درجۀ حرارتده بولنان هر قنغی بر حجم ماء مقطر وزنیله ینه او حجمده اولان جسمك وزنی بیننده+كی نسبت هندسی+یه دنیلور بر جسم صلبك ثقلت اضافیه+سی (آرشمید) قانونی دنیلان اصول ایله تعیین اولنور شویله كه صوده غیر منحل اولان جسم صلب اغزیله برابر صو طولی بر قاب دروننه غطس اولندقده بالطبع صو طاشه+جغندن اشبو طاشان صو ایله جسم غاطس بشقه بشقه وزن و وزنلر بربری اوزرینه تقسیم اولمغله و جسم مایع اولدیغی حالده بر قاب بر كره صو وبر كره ده جسم مایع طولدیریله+رق وزنلری استحصال و بربری اوزرینه تقسیم قلنمغله و جسم هوائی اولدیغی تقدیرده قدر صافدن معمول موصلقلی بر بالونك هواسی تخلیه اولنارق اولاً بر كره وزن و ثانیاً جسم هوائی املا اولنارق تكرار وزن اولنوب اشبو وزنلر بر بری اوزرینه تقسیم ایدلمكله ثقلت اضافیه+لری اكلاشیلور