ابو عبیده بن جراح — اصحاب كرامدن و عشرۀ میشره+دندر
و مسقط رأسی مکۀ مكرمه اسمی عامر بن عبداللهدر. بو ذات فرسان
اصحاب كرامدن ایدی و هجرت نبویه+نك اون سكزنجی سنه+سنه قدر
وقوعبولان غزواتك همان كافه+سنده بولندی و رایت اسلامیه ابتدا بونك
یدینه تودیع قلندی و پك چوق خدمت و غیرت ایتدیكندن و كریم الخلق
وغیر متعصب و حلیم و عاقل و مدبر اولدیغندن علیه الصلاة والسلام افندمز
) امین الامة) تسمیه بیوردی بو ذات روم دیارنده حسن شمائل و صدق
مقال ایله شهرت بولدیغندن شام مصالحه+سنده روملر بونی استمشلر ایدی
كیدوب یاپدیغی مصالحه الیوم اوروپالولر نزدنده معتبر و مستحسندر.
مشارالیه حضرتلری(٦٣٩ م و ١٨ ٥) تاریخنده محاربه+یه كیدركن رمله
ایله بیت المقدس اراسنده بر قریه+ده ظهور ایدن طاعوندن اجتناب ایدن
عسكرینه تسلیت ویرمك ایچون بر یوكسك یره چیقوب (ایها الناس ان
هذا الوجع رحمة من ر بكم و دعوة من نبیکم و موت الصالحین قبلكم وان
ابی عبیده یسأل الله ان یقسم له منه حظه) الی اخره ختبه+سنی قرائت
و تمام ایتدیكی انده طاعون اصابتیله رحلت ایلدی.