) ثعلب — احمد بن یحیی بن زید بن سیار شبانینك بین العوام آلمش اولدیغی نامدر كنیه+سی ابو العباس+در علم نحو و لغتده امام كوفیین ایدی علم عربیت و شعر و لغتده مناظره+یه اون التی یاشنده ابتدا ایلدی قوۀ حافظه+سنك كمال و سعت و احاطه+سی جهتیله عصرنده كافۀ علمانك مقدمی اولوب خصوصیله كتب قرأنی بر حرفی خارج اولمامق اوزره خفظنه آلمشیدی بوقدر فضائل لایحصی ایله برابر ینه امر معیشتده بر حال اسف اشتمالدن یعنی ضرورت و سفالتدن قورتیله+مدی و اواخر عمرنده علت صممه مبتلا اولوب بر جمعه كونی بعد العصر جامعدن كلوركن ارقه+سندن كلان حیواناتك صدماتیله بر چقوره دوشمكله متأثراً وفات ایلدی تاریخ وفاتی (٩٠٣ م و ٢٩١ ه)در نحوده (المصون) (اختلاف النحویین) (معانی القرأن) (معانی الشعر) (القرأات التصغیر) (الوقف والابتداء) (الهجاء) (الامالی) (غریب القرأن) (الفصیح)دن بشقه دها بعض تألیفاتی واردر.