ثروت ملل — ثروتك كیفیت حصولیله جمعیت بشریه+نك منفعتنه موافق اوله+رق صرف و تقسیم اولنمسی اسبابی تعیین ایدر بر علمدر. مبادلۀ نقود و اشیا و محل استهلاك مسئله+لری نظر اعتباره النه+رق فن مذكور منع و زجر و حمایت رسوم حریت مبادله كبی بر طاقم اصول تولید ایلمشدر بونده تراب و سرمایه و عملدن حاصل اولان واردات درت نوعه تقسیم اولنور شویله كه برنجیسی صاحب اراضی وارداتیدر اكر اراضی صاحبی طرفندن ایشلدلمكده ایسه (ایراد) و اكر اخره ایجار اولنه+رق ایشلدلمكده ایسه (بدل ایجار) دنیلور. ایكنجیسی اصناف و عمله+ نك ال ایشلرینه مقابل آلدقلری یومیه+لردر. اوچنجیسی فائض و سیغوریطه اقچه+سی و رأس الماله محسوباً ویریلن مبالغ كبی سرمایه+دن حصوله كلان هر نوع منافع. دردنجیسی احتیاجات عمومیه+یه قارشولق اوله+رق واردات ثلثۀ سابقه اوزرینه طرف حكومتدن طرح اولنان ویر كولردر بناء علیه سعی و عملدن متحصل اشیای نافعه مجموعنه واردات غیر صافیه و عاملك صرف و اعطا ایلدیكی مقداردن فضله قالانه واردات صافیه دیرلر. بشنجیسی استهلاكدر بر محصولدن احتیاجات بشریه+دن برینی دفع طریقی یا مصرفه معادل ویا مصرفدن فضله بر ثروت استحصالی طریقیله استفاده+یه استهلاك تعبیر اولنور محصول ایله استهلاك آرە+سنده رابطۀ مشتركه واردر فقط استهلاك احتیاجات طبیعیۀ بشریه+نك وسائط اندفاعیه+سیله محدود اولدیغندن محصولاتك بهاسی اهون اولور و واردات زیاده اولدقجه استهلاك تزاید ایدر. اشبو فن ثروتك قواعد اساسیه+سنی ابتدا روملر وضع ایلدی و افلاطون بر اثرنده تقسیم عمل اصولنك محسناتنی كوستردی و (قره نفون) تزیید واردات نامیله ایلدیكی بر تألیفنده اتنه
مالیه+سنك اصول اداره+سی حقنده بر خیلی معلومات نافعه ویرمشدر خصوصیله (ارسطو)نك (ثروت) نام تألیفنده كوستردیكی بر قاعده اموال طبیعیه ایله صنعیه آره+سنده+كی فرقی میدانه چیقارمشدركه زمانمزده اولان ارباب فن غنا و ثروت اره+سنده+کی مباینتی حقیقةً ارائه ایدر صورتده بولدقلری قیمت موضوعه و قیمت مبادله تعریفلرینی ذكر اولنان قاعدۀ اساسیه اوزرینه بنا ایتمشلردر. بو اصوللرده اعمال صنعیه+نك نظر اهمیته النمیو+بده اسارت اساسنه حصر افكار ایدلمسی عمومی بر نقیصه+در رومالولر صورت دائمه+ده حروب و قتال و یغماكرلكله امرار وقت و بناء علیه امور مالیه+لرنده قواعد مشروحه+یی التزام ایدرك زراعتدن بشقه بر شیئه رغبت ایتمدكلرندن نقود موجوده+لری تدریجله اللرندن چیقوب بالاخره دوچار فقر و ضرورت اولمشلردر لكن صكرە+لری ارسطونك مسلكنه سالك اولان ارباب فن فائض مسكوكات و مبادله قوانینك جهت نظریه+لرنده اعمال فكره باشلایوب بر طرفدنده پولیجه اصولی ایجاد اولنوب بانقه+لر تأسس ایتدیكی كبی تجارتجه ادارۀ ید واحد و كمركلرجه همایت رسوم اصوللری باش كوسترمش و پروتستانلرك اموال و املاك رهابین امتیازاتنی فسخ و الغا ایدیشی توسیع و ترقیء سعی و عمله یاردم ایتمش و دها صكره زراعت و صناعت جهتلری دخی نظر اعتنایه النه+رق شركتلر ایجاد و علم ثروت تدوین اولنمش و كیدرك اوروپاده علم مذكوری تحصیل ایچون +مكتبلر و ترقیسی ایچون جمعیتلر آچلمش و مخصوص جریدە+لر چیقارلمقده بولنمشدر.