تیمور نقاب — فرانسزلر (ماسكه دوفر) دیرلر حكایه+سی مشهوردر شویله كه اون اوچنجی لویی دنیلان فرانسز قرالنك زمان سلطنتنده تیمور نقابلی بر آدم جزایر بحر سفید قلعه+لرینك برینه حبس اولنمش و كیمك نه+سی اولدیغی بیلنه+میوب فقط قلعه+ده كندوسنه ایدیلان حرمت و رعایته و كندوسنك طرز و طورینه نظراً بر بیوك ذات اولدیغی اكلاشلمشدر. بعضیلری قرال مومی الیهك زوجه+سی (ژان دوتریس)ك قاردینال )مارتران)دن پیدا ایتدیی ولد زنا ایدوكنه قائل اولدیلر ایسه ده صحتنی اثبات ایده+مدیلر هرنه حال ایسه بونك خدمتنی یالكز قلعه ضابطی ایفا ایدر و هیج بر کمسه ایله دكل اختلاط بر چفت لقردی بیله ایتدیرلمز ایدی بو بیچاره بر كون بر كموش یمك طباغنك كنارینه بیچاق اوجیله بر شی یازوب قلعه+نك برجندن اشاغی آتدی و بر بالقجی بولوب طوغریجه قلعه قومانداننه كتوردی و قوماندان بالیقجی+یه سن بو طباغی كیمسه+یه اوقوتدك یاخود اوقودكمی دیو سؤال ایدوب او دخی نه اوقودم و نه اوقوتدم جوابنی ویردكده اكر بونی اوقومش و اوقوتمش اولیدك سنی شمدی اعدام ایدردم. دیدی.
بیچاره تیمور نقاب باشی بویله بر بیوك بلا ایچنده اولدیغی حالده خیلی زمان محبوساً یشایوب (١٧٠٣ م و ١١١٥ ٥) تاریخنده وفات ایتمشدر.