) تیمور باش — اسوج قرالی بهادر مشهور اون ایكنجی شارلینك ممالك عثمانیه+جه شایع اولان عنوانیدر بهادر مشار الیه (١٦٩٧ م و ١١٠٩ ه) تاریخنده و اون بش یاشنده ذمام حكومتی كف كفایتنه الوب اوچ سنه صكره روسیه دانیمارقه المانیا و له كبی درت بیوك دشمن بالاتفاق علیهنه قیام ایلمش و بنابرین مستغرق دریای و له و حیرت اولان وكلاسی اقچه و یاخود اراضی اعطاسیله دفع بلایه مسارعتدن بشفه چارۀ استخلاص ممكن اولمدیغی قرار قطعیسنی ویروب ارائۀ آثار خوف و جبانت ایتمشلر ایكن او وقته قدر هنوز چوجق نظریله عواقب اموردن بیخبر صاندقلری كنج قرال بونلرك هیج برینه التفات ایتمیوب همان وكلاسنه ) دشمنه الچق طفمرزی كوسترە+رك هر زمان ذلت و مسكنتله پایمال اولمقدن صوك درجه+یه قدر چالیشوب هیج اولمزسه صحایف عالمده ابقای نام مردانكی+یه موفق اولمق بزم ایچون اك بیوك بر دولتدر) كلیك ارقه+م صره دیه+رك سلاح شجاعته صاریلوب ابتدا دانیمارقه و له متعاقباً المانیایی بحق دوچار مغلوبیت ایتدكدن صكره ملك و ملتنك سلامت حال و استقبالنی دعی غایت كوزل بر معاهده تنظیمنه موفق اولمش و دردنجیلری اولان روسیه+نك ایسه سكسان بیك كشیدن عبارت بر جسیم اردوسنی عشری نسبتنده اولان
سكز بیك اسوجلی ایله (ناروا) نام محلده محو و پریشان ایدرك ایمپراطور مشهور دلی پترویی دخی عقد مصالحه+یه مجبور ایتمشدر (مشكلی نیستكه آسان نشود. مردبایدكه هراسان نشود) مؤخراً (١٧٠٩ م و ١١٢١ ه) تاریخنده دخی قرق اوچبیك معلم عسكر ایله روسیه اوزرینه یوریوب روس ممالكنك یوز ساعت ایچرولرینه قدر كتدیسه ده ) پولتاوه)+ده رازبورغ دنیلان قزاقلرك رئیسی (مازاپا)یی مقاوله ایتدیكی محلده بوله+مدیغندن یعنی روسیه رئیس مرقومك شارل ایله اتفاقنی دها اولجه خبر آلوب جمعیتنی طاغتمش بولندیغندن ناچار كندو عسكریله روسیه اوزرینه هجوم ایتدیسه ده محاربه هنوز قیزیشمقسزین شارلینك تختروانی كله اصابتیله دوریلوب وفاتی شیوع بولمغله اردوسی طاغلدی و عسكرینك یكرمی بشبیك قدری اوتوز ایكی پاره طوپ ایله روسلره اسیر دوشوب كندوسی ایكی بیك قدر سواری ایله ممالك عثمانیه+یه دخالت ایلدی و درت سنه بندرده مسافرةً اقامت ایتدكدن صكره (١٧١٣ م و ١١٢٥ ٥) سنه+سی ترفیق اولنان عساكر شاهانه ایله مملكتنه كتدی و بر مدت دها اعداسیله میدان مقاله+یه كیریشوب (١١٣٢ ه) سنه+سی وفات ایتمكله غوغای جهاندن قورتلدی.