لغات تاریخیه و جغرافیه

Lugat-ı Tarihiyye ve Coğrafiyye

تیمار

تیمار — دولت عثمانیه+نك حین فتحده اصحابی مفقود اولدیغی جهتله اراضیء امیریه اعتبار ایتدیکی محللردن سپاهیلره اقچه حسابیله قلیج حقی اوله+رق ویردیكی حصۀ اراضی+یه دیرلر و وزرایه ویردیكی اراضی+یه )خواص وزرا) و خزینۀ خاصۀ شاهانه ایچون تفریق و تخصیص ایدیلانلرینه (خاص همایون) تعبیر ایدرلر ایدی. تیمار اوچ نوع اولوب اك كلیتلوسی اولان برنجی نوعی اشكنجی تیماریدركه متصرفلری آلای بكیلری بیراغی التنده مأمور اولدقلری محللره اشرلر و ایكنجی نوعی مستحفظ تیماریدركه متصرفلری مأمور اولدقلری قلعه+لری محافظه ایدرلر اوچنجی نوعی خدمه تیماریدركه سر حداتده بولنان بعض جوامع و زوایا خدمه+سی و بر طاقم سرای همایون اغالری بونكله تلطیف و اعاشه اولنورلر ایدی. تیمار قلیج حقی دنیلان حد معینی تجاوز ایتدیکی حالده اوست طرفنه (ترقی) دنیلور. (سپاهی) كلمه+سنه دخی نظر بیوریله. تیمار علل و بلوا اصحابنه خدمت و غمخوارلق ایتمك معناسنه دخی كلور.