تیرول — اوستریاده بر جسیم ولایتك اسمیدر. جهت شمالیسی باویرا و شرقیسی ایللریا و جنوبیسی لومباردیا ممالكی اولوب ثلثانی ایتالیان اولمق اوزره اهالیسی طقوز یوز اللی بیك راده+سنده+در مقر ادارە+سی (انسیروك) شهریدر هواسی غایت صغوق و سرت و اراضیء جنوبیه+سی اولدقچه محصولدار ایسه ده قصور یرلری خالی اوە+لردن و سیوری سیوری طاغلردن و یالچین قیالردن عبارتدر سكنه+سی قوی البنیه و ساده دل و متعصب اولورلر.
بوراسی ابتدا غوتلر وصكره لومباردیا و باویرا و جرمانیا قراللری اداره+سنده بولنوب (١٣٥٩ م و ٧٦١ ه) تاریخنده اوستریا خانداننه ترك اولندی و تیرول پرنسلرینك دعوای تصرفی خیلی زمان سوروب بونك ایچون وقوعبولان محاربات و اختلولات تیرولك تصرف و ادارە+سنی برقاچ كره دها تغییر ایتدی و (١٨١٤ م و ١٢٣٠ ه) تاریخنده اوستریالولر طوغریدن
طوغری+یه تصرف ایدوب اكرچه اوتوز درت سنه صكره بر اختلال داها چیقارلدیسه ده رادسکی نام فلد مارشالك اقدامیله تأثیری اولمدی.