تیرداد — ملوك فرسدن چوق كمسه+لرك اسمیدر اك مشهورلرندن بری اشكانیان طبقه+سنی تشكیل ایدن (ارشك)ك برادری و خلفیدر. بو ذات برادرینك (٥٣٤٠ خ) تاریخنده یعنی میلادك ایكی یوزاللی درت سنه مقدمنده وفاتی اوزرینه تخته جلوس ایدوب دولتنی توسیع و تقریره و ملك معظم عنواننی استحصاله موفق اولدی و سلفكیلرك ممالكی داخلنده ظهور ایدن اختلالی فرصت اتخاذ ایدرك كیدوب (هركان) و (مدیا) ولایتنی دخی آلدی و اوتوز سكز سنه سلطنت سوردی.
)٥٢ م) تاریخنده ارمنستان حكمداری اولان دیكر (تیر داد) اشبو
حكمدارلغه فارس پادشاهی و برادری (بلاش) ثانینك توجیهیله نائل اولدیغندن ارمنستانی كندو حمایه+سنده طانیان روما دولتی مومی الیهك حكمدارلغنی تصدیق ایتمك استه+مدی و خلع و تأدیبی و حمایه+سنك تأییدی ایچون عسكر كوندردی و تیرداد دخی برادریله بالاتفاق مقابله ایدوب برقاچ سنه دوام ایدن محارباتك اكثریسنی قزاندی و روما ایمپراطوری (نرون)ك تاج و تختنی باشنه كچورمكی بیله قوردیسه ده اوده+كی پازار چارشویه اویمیوب (٦٧ م) تاریخنده بر بیوك انهزامه اوغرادیغندن ناچار دولت مشار الیهانك حمایه+سنی تصدیق ایله عقد مصالحه+یه و رومایه كیدوب و سیفی قننه میخلی اولدیغی حالده حضور ایمپراطوری+یه چیقوب رسم تتوجنی اجرایه موافقت كوستردی .
٢٥٩ م تاریخنده ارمنستان حكمداری اولان دیكر (تیر داد) حین صباوتنده رهن اوله+رق رومایه كوتوریلوب اوراده تربیه اولمش و پدری مقتولاً وفات ایتدكدن صكره رومادن ترفیق اولنان عسكر ایله كیدوب تخت موروثنه اوتورمش و اهالینك افكارینه قارشو مجوسیلكی براغوب خرستیانلغی قبول ایتمشیدی