لغات تاریخیه و جغرافیه

Lugat-ı Tarihiyye ve Coğrafiyye

تیر

تیر — سوریه ولایتنده بیروت سنجاغی داخلنده بر قضا مركزی اولوب شمدیكی اسمی (صور)در. بو شهری (٤٠٣٦ خ) تاریخنده یعنی میلادك بیك بشیوز اللی سكز سنه مقدمنده (آژه نور) نامنده بر افریقالینك سوریه سواحلنه كلوب بنا و فنیكه+لیلرك ریاستنی درعهده ایلدیکی و حضرت (داود) علیه السلام زماننده فنیكه حكمداری بولنان )حیرام)ك شهر مزبوری بر چوق طاش ییغنتیسی ایله قارشوسنده+كی كوچك اطه+یه وصل وربط ایتدیكی تواریخده مقیددر. (صور) كلمه+سنه دخی مراجعت بیوریله .