تیتوس — روما دولتی حمایه+سنده اولان قدس شریف اهالیسنی تأدیب ایچون رومادن كوندریلان جنرال (وسپاسین)ك ًاوغلیدر. بو ذات پدریله برابر قدسه كلمش و پدری مؤخراً روماده ایمپراطور انتخاب اولندیغنه بناء كیدوب یرینه بونی براقمش ایدی بو دخی قدسك محاصرە+سنی بر درجه دها تشدید ایدوب یدنجی آیده یعنی (٦٩ م) و
تاریخنده ضبط و بیت مقدسی تخریب و سلطنت یهودیه+یی برباد ایتدی. بو محاصره و محاربه اثناسنده یهودیلردن التی یوز بیك كشی تلف اولدیغنی بعض تواریخ یازوب اكرچه دیكر بر طاقم تاریخلر مقدار مزكوری استكثار و اعتراض ایدرلر ایسه ده بو اعتراضلری بر درجه+یه قدر طوغری دكلدر زیرا محاصره+دن براز اول موسم زیارت اولمق ملابسه سیله اطراف و اكنافدن بر چوق كمسه+لر كلوب قدس شریفك ایچی انسانله طولمش و ملحقاتدن جلب اولنان عساكر وفیره جمعیت مذكوره+یه انضمام ایتمش ایدی و بوندن بشقه تلفات مذكوره یالكز محاربه+دن و طبیعی الظهور اولان قحطدن اولمیوب اثنای محاصره+ده ریاست دعواسیله ایچلرینه دوشن اختلاف و مقاتله+دن دخی پك چوق كمسه تلف اولمش ایدی.