تیبر — روما ایمپراطورلرندندر. بو ذات ایتدیكی خدمتلره مكافاةً قونسل و تریبونلق مقامنه واصل و (١٤ م) تاریخنده ایمپراطورلغه نائل اولدی و سلطنتنه اشتراك و كندوسنی اهلاك املنده ظن ایتدیكی بر طاقم معتبرانی اعدام ایتدیردی و روماده بالجمله اهالینك بعض و عداوتندن قورتلمق ایچون )قاپری) اطه+سنه چكیلوب اوراده ذوق و صفایه طالدی لكن روما اهالیسی ایچون غدارلقلردن هیچ بر وقت كیرو قالمدی و اهالی+یه عظمت كوسترمك و دهشت ویرمك ایچون شریكی متوفانك اولاد و عیالنی اعدام ایتدیروب لحم پاره+لرینی سوقاقلره آصدیردی. و كندو تمثالنی التوندن یاپدیروب قدسه ارسال و یهودیلرك اكا پرستش ایتملرینی امر ایلدیسه ده قدس والیسی و اهالی قبول ایتمدكلرندن عسكر كوندروب والیء مرقومی اخذ و نفی ایلدی.
سلطنتی ٢٣ سنە+در (تیبریات) یعنی طبریه شهری بونك نامنه یاپلمش
ورومانك كنارندن آقان (تیبر) نهرینه بونك نامی ویرلمشدر. (٥٧٨ م و ٥٩٨ م) تاریخلرنده شرق ایمپراطورلغی مقامنه (تیبر) نامنده ایكی ذات داها كلمشدر.