تیاترو — یونانستانده پك اسكیدر لكن شمدیكی صورتده دكل ایدی ابتدا شعرلر سویلنه+رك و چالغیلر چالنه+رق اكلنمك اوزره
باشلایوب مؤخراً بر طاقم شهوت پرستلره علی ملاء الناس اجرا اولنان لعبیات شنیعه ایله اكلنجه محلی اولدی و بو حال كیدرك ناموس ملته طوقینور درجه+ده رزالته واردیغندن حكومتجه یساغ ایدیلوب براز صكره ارباب معارف و صنایعك هنر و صنعتلرینی نظركاه عمومه عرض ایچون كشاد اولندی و خیلی زمان صكره بو اصول دخی بوزیلوب تیاترولرده اشعار و حكایات سویلنمكه قرار ویرلدی و كیده كیده شمدیكی حاله كلدی. تیاترونك رومایه (٥٢٣٢ خ) تاریخنده یعنی میلادك اوچیوز التمش ایكی سنه مقدمنده كیردیكی و روماده ابتدا یاپیلان تیاترو حانه+نك قرق بیك كشی استیعاب ایدر درجه+ده بیوك ایدوکی تواریخده مقیددر. رومالولر اولوقت تیاترویه (فلاویبوس) دیرلر ایدی.